2021 წლის 5 მაისს, ბახვი 1 ჰესის პროექტის განხილვა გაიმართა ჩოხატაურის მუნიციპალიტეტის საკრებულოში. განხილვას ესწრებოდნენ პროექტის განმავითარებელი კომპანიის შპს სი-სი-ი-ეიჩ ჰაიდრო VI-ის მენეჯმენტის წარმომადგენლები, ჩოხატაურს საკრებულოს წევრები, არასამთავრობო ორგანიზაციების, სამოქალაქო საზოგადოების და მედიის წარმომადგენლები. პროექტის შესახებ პრეზენტაცია გააკეთა კომპანიის დირექტორმა, მიხეილ ნიბლაძემ. პროექტის მენეჯერმა, ბახვი 1 ჰესის ტექნიკურ საპროექტო ასპექტებზე გაამახვილა ყურადღება, ხოლო გარემოს დაცვისა და სოციალური საკითხებისა მენეჯერმა, გარემოსდაცვით და სოაციალურ საკითხებზე ისაუბრა.
ბახვი 1 ჰესი არის ჰიდროელექტროსადგურის მშენებლობის პროექტი მდინარე ბახვისწყალზე, რომელსაც საქართველოში 2020 წლის 20 იანვარს დაფუძნებული კომპანია შპს სი-სი-ი-ეიჩ ჰაიდრო VI ახორციელებს. თავის მხრივ შპს სი-სი-ი-ეიჩ ჰაიდრო VI კავკასიის განახლებადი ენერგიის ჰოლდინგმა (CCEH) დააფუძნა. კავკასიის განახლებადი ენერგიის ჰოლდინგი არის საინვესტიციო კომპანია, რომელიც 2016 წლიდან ოპერირებს საქართველოში და გასცემს ინვესტიციებს მცირე ჰესების მშენებლობაზე, კაპიტალში წილობრივი მონაწილეობის გზით. კომპანიის ინვესტორები არიან მსოფლიოში ცნობილი საფინანსო ინსტიტუტები, ძირითადად ევროპისა და ამერიკის ქვეყნებიდან. კომპანია საქმიანობას ახორციელებს საერთაშორისო ფინანსური ინსტიტუტების გარემოსდაცვითი და სოციალური საკითხების მართვის სტანდარტების სრული დაცვით, ასევე, საქართველოს კანონმდებლობისა და რეგულაციების შესაბამისად. CCEH – ის პორტფელი მოიცავს უკვე მოქმედ და შესწავლის სტადიაში მყოფ პროექტებს.
CCEH-ის გუნდი დაკომპლექტებულია მაღალი დონის პროფესიონალებით, რომელთაც გააჩნიათ გამოცდილება საინვესტიციო, ტექნიკური და გარემოსდაცვითი მიმართულებებით, მაღალი რანგის ჰიდროენერგეტიკოსებით და ინჟინრებით. გუნდის წევრების სამუშაო გამოცდილება, მათი პროფილის მიხედვით, საქართველოში და ასევე, მის ფარგლებს გარეთ, საშუალოდ 5-დან – 20 წლამდეა.
„მცირე ჰესების მშენებლობასა და მართვაში გვაქვს მრავალწლიანი საერთაშორისო გამოცდილება და თითოეულ პროექტში სწორედ ამ ცოდნასა და გამოცდილებას ვიყენებთ. როგორც მოგეხსენებათ, პორტფელში გვაქვს დასრულებული და მიმდინარე ჰიდროენერგეტიკული პროექტები საქართველოს სხვადასხვა რეგიონში, რომლებიც ნათელი მაგალითებია იმისა, რომ მცირე ჰესების მშენებლობა ჩვენს ქვეყანაში შესაძლებელია ისეთი შემარბილებელი ღონისძიებების დაგეგმარებითა და განხორციელებით, რომლებსაც მინიმუმზე დაჰყავთ გარემოზე ზემოქმედება. გვსურს, გურიაშიც შევქმნათ პრეცედენტი იმისა, რომ პროექტი იყოს მისაღები თითოეული დაინტერესებული ჯგუფისათვის. ჩვენი კომუნიკაციის მოდელი, დაინტერესებულ ჯგუფებთან, ეფუძნება დიალოგს, რომლის ფარგლებშიც გვექნება შეხვედრები მოსახლეობასთან, რეგიონალურ და ცენტრალურ არასამთავრობო ორგანიზაციებთან, მედიასთან. ჩვენი მიზანია, პროექტი გახდეს მისაღები თითოეული ჯგუფისთვის და რეგიონის მოსახლეობამ დაინახოს ის სარგებელი, რაც მოაქვს გენერაციის ობიექტების დეცენტრალიზაციას” – განაცხადა მიხეილ ნიბლაძემ, შპს სი-სი-ი-ეიჩ ჰაიდრო VI-ის დირექტორმა.
შეხვედრის დასასრულს საკრებულოს წევრებმა ხაზი გაუსვეს რომ ეს იყო პირველი პრეცედენტი, როდესაც ინვესტორმა საკუთარი სურვილით მოახდინა ადგილობრივ საზოგადოებასთან შეხვედრა და პროექტის შესახებ ინფორმაციის გაზიარება. სამომავლოდ უნდა მოხდეს აღნიშნულ შეხვედრაზე გაჟღერებულ კითხვებზე პასუხების წარმოდგენა,
ბახვი 1 ჰესის პროექტის სკოპინგის ანგარიშის საჯარო განხილვა 2021 წლის 29 იანვარს შედგა. კომპანიამ, გარემოს დაცვისა და სოფლის მეურნეობის სამინისტროს 2021 წლის 17 თებერვლის N1414/01 წერილის საფუძველზე, 2021 წლის 16 აპრილს წარუდგინა დამატებითი ინფორმაცია ჩოხატაურის და ოზურგეთის მუნიციპალიტეტების ტერიტორიებზე დაგეგმილი 12 მეგავატი დადგმული სიმძლავრის, მცირე, ბახვი 1 ჰიდროელექტროსადგურის კვლევის და შემდგომში მშენებლობის და ექსპლუატაციის პროექტთან დაკავშირებულ კითხვებზე. კომპანიის მიერ მიწოდებულ ინფორმაციაში მოცემულია იმ კითხვებზე პასუხი, რომლის დაზუსტებაც მოითხოვა სამინისტრომ სკოპინგის ანგარიშის საჯარო განხილვის შემდეგ. ამჟამად, კომპანია ელოდება საქართველოს გარემოს დაცვისა და სოფლის მეურნეობის სამინისტროს გადაწყვეტილებას, პროექტის განხორციელების შემდგომ ეტაპებთან დაკავშირებით.